6 نصائح لإنهاء مشروعك الكروشيه كالمحترفين
إعطاء شكل نهائي لمشروعك الكروشيه، مش مجرد أنك تقطعي الخيط وتقفلي آخر غرزة. في بعض الخطوات الأخيرة لتشطيب المشروع لازم تتبعيها. بعد قطع الخيط واللي هتدي شكل مثالي لمشروعك النهائي.
وهنا هنقولك الخطوات دي:
نصيحة رقم 1: الخياطة
بعد ما تخلصي غرز الكروشيه، خيطي كل بواقي الخيوط، واللي اضطرتي تسيبيها في أثناء الشغل. بعد ما تخيطيه متقصيهوش عالطول. في طرق كتيرة تضمني بيها أن خياطة الذيل ده مش هتتفك بعدين، أسهلها أنك تخيطي في مكانها مرتين.
نصيحة رقم 2: التثبيت
حتى لو كان مشروعك مكون من قطع، فمهم جدا أنك تثبتيه قبل ما تكملي أي خطوات أخيرة تانية، زي ربط القطع ببعضها أو الياقات أو خياطة الزراير لأنه هيسهلك الخطوات دي جدا. التثبيت بيدي فرصة للقماش أنه يتفرد وياخد شكله. والقماش المفرود بيكون أسهل في ربطه وخياطته من غير المثبت. قومي ببل الصوف، ثم قومي بعصره بلطف. بعد كده لفي القطع بفوطة كبيرة واكملي العصر حتى تتخلصي من الماء بقدر الإمكان. افردي القطع في مكان جيد التهوية وثبتيها بدبابيس حسب المقاسات الموجودة في الباترون وانتظري حتى ينشف.
نصيحة رقم 3: خياطة القطع ببعضها
الطريقة الأفضل لوصل القطع ببعضها، هي أن تقومي بعملها ببطئ حيث يجب عليكي التركيز جيداً، حتى تكون الخياطة متساوية ومظبوطة. تختلف طرق الخياطة حسب طريقة عملك لمشروعك. استخدمي نفس الخيط المستخدم في المشروع لعمل الخياطة إن أمكن. لأن ده هيساعد في إخفاء الخياطة في المشروع. بعد الخياطة أتأكدي أنك عملتي النصيحة رقم واحد وأنك خيطتي النهايات برفق.
نصيحة رقم 4: القص
ممكن دلوقتي تقصي بواقي الخيط من كل النهايات التي تمت خياطتها في القماش. أنا أقترح أن الخطوة دي تتم بعد التثبيت، لأن الضغط على القطعة عن طريق اللف أو العصر أو الشد لتناسب مقاس الباترون لن يؤدي إلى ظهور البواقي لأنه هيكون طويل. في بعض المرات قمت بقص الخيط قبل الغسيل، ووجدت أنه أصبح لدي بواقي خيط قصير على الجانب الأيمن القطعة بعدما اتثبتت.
نصيحة رقم 5: قومي بتثبيت القطع مرة أخرى
عارفة أن ناس كتير مش هتحب الفكرة دي، ولكن لو مشروعك مكون من قطع يفضل أن تقومي بتثبيتها مرة تانية. المرة الأولى بعد إنهاء جميع القطع وقبل ربطها ببعضها البعض. والثانية بعد الربط وإضافة الياقات و الزرائر. ده هيساعد أن الأجزاء الجديدة من القماش يكون شكلها متساوي ومشابه لما تم غسيله من قبل. وأحب أقول تاني أن هدفك هو إنهاء مشروعك بشكل محترف. فالتثبيت بضع مرات سيفيدك ولن يضر.
نصيحة رقم 6:لو احتاجتي ضيفي زراير.
الخطوة الأخيرة هي إضافة زراير أو سحابات ممكن يحتاجها المشروع. والخطوة دي شبيهة لخطوة الربط يعني خدي وقتك فيها. استخدمي خيط مرن ولكن قوي، وأنا أفضل أني أقوم بخياطة أي زرائر أو سحابات يدوياً لمشاريعي.
وعموما لا يوجد الكثير من الخطوات لإنهاء مشروعك. ولكنها خطوات مهم أنك تفتكريها. أنا فعلاً بستمتع بإنهاء مشروعي و شعور جميل جداً ومرضي أنك تلاقي كل القطع عملت مشروع واحد رائع في النهاية.
انتي بقى شايفة إنهاء مشروعك بيكون صعب ولا مزعج ولا بتستمعي بيه؟