, يعني مو من المعقول تروحي مكان رسمي وتلبسي جينز وتي شيرت أو تروحي عزا وتتكشخين كانك بحفلة .
الاتيكيت شيء مهم انك تتعلميه و انا عارفه راح يشوفها البعض تعقيد وتقييد اكثر من اللازم
وهذه الفكرة المبدئية الي منتشرة عند الكل وانا كنت من هالاشخاص بصراحه
لكن , اتيكيت الازياء غير عن كل انواع الاتيكيت الي برأي بعضها تكون مملة شوي
راح حاول قد ماقدر ابسط لكم اساسيات الاتيكيت وّنكسر بعض القواعد بما يتناسب
مع مجتمعنا سواءً كان دينياً او عادات وتقاليد .
بكل بساطه راح ابين هالمعادله لكم
الاتيكيت = مفتاح اناقتك
كل وحده فينا تحب تكون انيقة و مهما اختلف اسلوب اناقتك
سواء بمظهر رسمي او بمظهر اكثر جراءه فهذا شي يعكس شخصيتك
لكن الي يجمع بينهم هوا اساسيات لازم تعرفيها عشان تكون نقاط إيجابية لكِ
ومين يعرف ممكن تكوني انتي اساس انتشار نمط معين باللبس . !
( اتيكيت الازياء ) يشمل كل من :
▪ معرفة شكل الاجسام
▪ تحقيق توازن جسمك عن طريق الازياء والاكسسوارات .
▪ معرفة الالوان وتأثيرها على البشره
▪ معرفة كيفية تنسيق مظهرك بما يتناسب مع الاماكن والمناسبات .
وّ بمعرفة هذه النقاط كلها راح تكونِ اكثر حكمة
بما يناسبك ويظهرك بكامل اناقتك
إعرفي شكل جسمك ؟!
معرفة شكل الجسم هو بداية الطريق ل تعلم الاتيكيت وسهولة التعامل مع جسمك
ومعرفه المناسب له , عموماً الاجسام حتى تقدري تميزي كل شكل وطريقة التعامل معها
بشكل متقن مثل مصممين و منسقين الازياء
لازم تعرفي كل شكل وتفاصليه من ناحية القياسات و المزايا والعيوب سواءً كان من باب التثقيف او عشان تتعاملي مع جسمك بطريقة احترافيه .
نظراً لتسهيل التعامل مع جميع الاجسام تم تصنيفهم لاشكال :
( اساسيه – فرعيه )
الاشكال لو بحثتِ بالنت للاسف تلاقيها متغيره مرا يكون العدد 5 اشكال ومرا 6 او 4 . . الخ .
الاساسيه:
عبارة عن 5 اشكال فقط والمعتمدة عند الجميع وهي " الكمثرى , التفاحة , المستطيل , الفراوله , الساعه الرملية "
* المسميات الاساسية متنوعه لكن انا حاولت اذكر لكم المعروف منها .
الفرعية :
القصيره , الطويله – شديدة النحف , السمينه .
سبب لتسميات الفرعيه رغم ان الاساسية اهم بنظر الكل
وّ ايش الفرق بين الاساسيه و الفرعيه ؟!
الفرعيه هيا اساساً مشتقه من كل الاشكال الاساسيه لكن بسبب عامل وراثي او مرضي او ك نمط اكلك
راح ننظر لها بشكل مختلف لان بسبب جسمك غير واضحه معالم الاشكال الاساسيه فيه .
يعني زي القصيرات مهما كان شكلها من الاساسيه راح تتعامل ع اساسيات شكلها صح لكن
باضافة بعض الخدع وتعلم بعض المحظورات و نفس الشيء ب ( الطويله , شديدة النحف , السمينه )
طبعاً ماراح نتطرق لها الا ف موضوع " تحقيق توازن جسمك عن طريق الازياء " .
■▬▬▬▬▬▬▬▬▬▬▬▬▬■
معلومات
هامه قبل قراءه باقي الموضوع:
▪ لمعرفة الشكل نحلل اول شي الجذع ثم الاطراف :
يعني اغلب شرحي والقياسات لشكل الجذع والاطراف راح اطرق لها ضمن
الميزات والعيوب عشان تعرفو الفرق .
▪ طريقة القياس في حالة ان البعض مايبان لهم ايش الشكل من اللحظه الاولى
او استصعب عليها تحديد الشكل وّ ايضاً من باب التأكيد :
’ راح تحتاجي بالتأكيد شريط القياس .
* القياس راح يكون بالانش " الي هي الارقام الكبيرة " وّ عند لف الشريط حول جسمك
انتبهي لا تشدي الشريط مرا ولا مرا توسعي , خليه على المقاس بالضبط .
▪ اماكن اخذ القياس ( موضحه ايضاً بصور اخرى ) :
محيط الصدر
هو المحيط الدائري للجسم عند منطقة الصدر ، ويؤخذ بتمرير شريط القياس حول الصدر .
محيط الخصر ( الوسط ) :
هو المحيط الدائري حول الخصر ، ويؤخذ بتمرير شريط القياس مضبوطاً حول أدق جزء " اصغر جزء " في الخصر .
محيط الأرداف ( أكبر حجم ) :
هو المحيط الدائري الذي يحيط بالأرداف ، ويؤخذ بتمرير شريط القياس حول الجسم عند منطقتي الأرداف .
-عرض الاكتاف ( ليس اساسي ) :
المسافه بين الكتفين , ويؤخذ بمد الشريط من بداية الكتف الى الوصول للكتف الاخر والانتهاء عنده .
*في حال كان صدرك اكبر من المقاس المتوسط c
بدال ماتقيسي الصدر قيسي الكتف هذا بس للي صدورهم كبيره حتى تقدري تطلعي شكلك بطريقة اكثر دقة .
’</B> طبعاً الاكتاف راح نبدلها بقياس الصدر او العكس عشان ماتتلخبطي لو جبتيهم الاتنين سوا .
هذه اهم اماكن راح نطلع منها شكل جسمك وراح توضح تحت كل شكل ايش ترتيب القياس من نحاية الحجم .
مثال بقياسات حقيقيه : شكل الكمثرى , الخصر = 26 | الصدر = 31 | الاكتاف = 35 | الارداف = 37
. . يصير الحين نرتب من الاكبر للاصغر عدد :
اكبر شيء الارداف = 37
الاكتاف = 35
الخصر = 26
أو
الارداف = 37
الصدر = 31
الخصر = 26
في كل الاحوال لو حتى بدلنا الاكتاف بالصدر برضو راح يجي نفس ترتيب القياس ف هذا الي ابي انبه عليه
طالما صدرك متوسط الحجم ويساعدك بانك تطلعين القياسات تمام اما لو كان العكس ف استبدلي بقياس الاكتاف .
ومنها على طول راح يبان لك ايش شكل جسمك حسب الترتيب الي موضحته لكِ بالقياسات ,
ماراح نحتاج نسوي أي عملية طرح او جمع كالعاده احنا بس نبي القياسات الاساسية .
تااااابع